Murdoku

Murdoku sameinar spennandi morðgátur og rökþrautir í grípandi leik sem erfitt er að leggja frá sér. Þrautirnar minna á sudoku og klassískar rökþrautir, en hér þarf einnig að rannsaka litríkar myndir af vettvangi glæpanna. Herbergi, húsgögn, plöntur, dýr og jafnvel sérstakar viðbótarreglur geta reynst lykilatriði við að leysa hverja gátu.

Í bókinni bíða 80 glæpavettvangar sem þarf að rannsaka, meðal annars bakarí, spilavíti, skákmót, bóndabær og óperuhús. Engar tvær þrautir eru alveg eins og fjölbreytnin er mikil. Þrautirnar byrja einfaldar en verða smám saman erfiðari, allt upp í sérfræðistig.

Hefurðu það sem þarf til að verða sannkallaður meistaraeinkaspæjari?